Bashkimi Evropian është vënë në lëvizje urgjente përballë përshkallëzimit të tensioneve me Shtetet e Bashkuara, pasi presidenti amerikan Donald Trump u zotua për një valë të re tarifash ndëshkuese ndaj vendeve anëtare të BE-së, me pretekstin se Uashingtoni nuk po lejohet të blejë Groenlandën.
Të shtunën në mbrëmje, Qiproja, që mban aktualisht presidencën gjashtëmujore të radhës së Këshillit të BE-së, njoftoi se kishte thirrur një mbledhje urgjente të ambasadorëve të 27 vendeve anëtare, që do të zhvillohet të dielën në orën 17:00 në Bruksel.
Lajmi konfirmohet edhe nga burime diplomatike brenda BE-së, sipas të cilave takimi është i karakterit të mbyllur dhe me agjendë të përqendruar tek rreziku që paraqet qasja e fundit e Trumpit ndaj partnerëve europianë, si dhe diskutimi për një reagim të koordinuar institucional.
