Aksi Librazhd-Peshkopi është bërë i pakalueshmën këtë të diel si pasojë e reshjeve intensive të dëborës gjatë natës.
Sipas raportimeve, dëbora ka arritur trashësinë deri në 50 cm në disa zona të qarkut Elbasan, duke shkaktuar vështirësi në qarkullim dhe mungesë energjie në disa zona.
Situata paraqitet si më poshtë:
-Në Stëblevë të Librazhdit trashësia e dëborës 50 cm e po ashtu edhe në Labinot Mal të Elbasanit.
-Kalohet pa probleme aksi nacional Prrenjas-Qafë Thanë. Aktualisht është i pakalueshëm aksi Librazhd Peshkopi.
-Kalohen me zinxhirë disa fshatra të Librazhd si Qarrishta, Librazhd Katundi etj. Në Elbasan kalohet pa vështirësi Gjinari ndërsa kërkohet përdorimi i zinxhirëve në Labinot Mal, Zavalinë, Qerret e Funar.
-Kalohen vetëm nga mjete të larta me zinxhirë rrugët e fshatrave Kukur, Lenie e Skëndërbegas në Gramsh.
-Në Bashkine e Përrenjasit po ashtu kalohen me zinxhirë disa fshatra si Rrajcë Skëndërbe, Stravaj etj.
-Mungon energjia elektrike në Zavalinë, Mollagjesh, Qarrishtë e Bardhaj për shkak të defekteve të shkaktuar nga moti i keq.
