Pas publikimit në media të vdekjes së një punëtori hidraulik në zonën e Paskuqanit, Policia e Shtetit është zgjuar dhe është kujtuar të bëjë reagim për rastin.
Policia thotë se ka arrestuar administratorin e firmës nënkontraktore, A.M 61-vjeç, pasi paraditen e sotme ka rënë nga lartësia e pallatit shtetasi H.P, 64-vjeç i cili për pasojë ka humbur jetën.
“Në orën 18:00, specialistët për Hetimin e Krimeve në Komisariatin e Policisë Nr. 5 arrestuan në flagrancë shtetasin A. M., 61 vjeç, me detyrë administrator i firmës nënkontraktore, pasi rreth orës 10:30, të ditës së sotme, në Paskuqan 1, gjatë punës, ka rënë nga lartësia shtetasi H. P., 64 vjeç (punëtor për punime hidraulike), i cili si pasojë ka humbur jetën”,- thuhet në njoftim.
Nuk dihet ende përse policia ka zgjedhur ta mbajë të fshehtë ngjarjen e ndodhur që në mëngjes dhe ka reaguar vetëm pas publikimit të rastit në media pasdite.
