Në një kohë kur kryeministri Edi Rama krenohet për pensionet, shumë prej pensionistëve me zor mbyllin muajin madje disa prej tyre kanë përfunduar në rrugë.
I tillë është rasti i 73-vjeçarit Halim Shimo i cili ka përfunduar mes koshave të mbeturinave për të kërkuar kafshatën e bukës, të cilën nuk e blen dot me pensionin aktual.
Ai tregon për Ora News, se pensioni prej 7 mijë e 300 lekë nuk i mjafton as për nevojat më minimale. Ai rrëfen se nuk ka asnjë rrugë tjetër për të siguruar ushqimin përveç se të dalë në rrugë.
I moshuari thotë se jeton së bashku me djalin e tij dhe, me të ardhurat e pakta që sigurojnë, përpiqen fillimisht të paguajnë qiranë, ndërsa për jetesën mbetet shumë pak.
Duket se realiteti në vend është shumë larg propagandës së Ramës, ndërsa kjo situatë e vendos edhe njëherë në pikëpyetje qeverisjen e një vendi i cili synon të jetë pjesë e Bashkimit Europian brenda vitit 2030.
