Kreu i Lëvizjes “Shqipëria Bëhet”, Adriatik Lapaj, ka folur për protestën që nisi mbrëmjen e djeshme, ku doli i vetëm përballë Kryeministrisë.
Në një intervistë për News24, Lapaj u shpreh se protesta po merr përmasë më të gjerë, ndërsa sot janë shtuar qytetarët që i janë bashkuar kauzës së tij.
Lapaj gjithashtu theksoi se Rama ka ushtruar presion të vazhdueshëm ndaj gjyqësorit, duke tentuar të ndikojë në vendimet e drejtësisë.
“Dje ishte 8 dhjetor dhe ju jeni dëshmitar me të gjithë çfarë ka ndodhur me zv.kryeministren, ndërsa kryeministri kaloi nga përgjegjësia individuale te ajo kolektive.
Gjërat në Shqipëri nuk janë mirë. Të rinjtë duhet të reagojnë. Por pashë që nuk ndodhi asgjë dhe më erdhi në mendje reagimi që mund të bëjë një njeri që në dorë ka vetëm veten e vet.
Por dola për të protestuar, nga dje deri sot njerëzit po shtohen. Dje hyra vetëm, sonte në darke hynë 9 të tjerë që do vazhdojë pa afat”, tha ai.
LEXO EDHE:
