Partia Demokratike ka njoftuar organizimin e një proteste ditën e enjte, më 13 nëntor, përpara kryeministrisë, duke kërkuar llogaridhënie nga qeveria.
Sipas raportimeve në media në mesazhin e dërguar anëtarëve të Këshillit Kombëtar, PD shkruan se “Pas Lali Erit është radha e Lubi Ballukut dhe Ramaduros që të përfundojnë në qeli. Është detyra jonë që ta shpëtojmë Shqipërinë dhe Parlamentin ta kthejmë te njerëzit”.
Protesta është planifikuar të nisë në orën 18:00 dhe synon të bëjë të ditur kërkesën për përgjegjësi ligjore ndaj zëvendësministrave dhe drejtuesve të akuzuar për abuzime.
