Autoritetet policore në Greqi kanë arrestuar një 50-vjeçar shqiptar në kufurin greko-shqiptar, pranë Kapshticës, duke transportuar 21.5 kilogramë heroinë.
Sipas mediave greke, policia e Ksanthit kishte informacione se shqiptari do të transportonte një sasi të madhe heroine nga Shqipëria në Greqi nëpërmjet një shtegu specifik “sekret” në vargmalin e Follorinës.
Të enjten në mëngjes, organizuan operacionin policor në Follorinë duke i bërë pritë 55-vjeçarit. Ai u kap duke mbajtur një çantë shpine që përmbante 21.5 kilogramë heroinë, të ndara në 43 pako dhe u prangos.
Vlera e heroinës së sekuestruar në “treg” shitet nga 15 deri në 30 euro për gram, ndërsa kjo është sasia më e madhe e drogës e sekuestruar ndonjëherë nga Zyra e Zbatimit të Ligjit për Drogën në Xanthi.
