Ish-deputeti demokrat Ervin Salianji ka folur lidhur me situatën e krijuar në vendin tonë, mbi lidhjet midis karteleve të drogës dhe politikës shqiptare.
I ftuar në emisionin “Çim Peka Live” në Syri TV, Salianji theksoi se Shqipëria është kthyer në një territor ku paratë e drogës jo vetëm pastrohen, por ndikojnë drejtpërdrejt në vendimmarrjet politike, në emërime dhe në ekonomi.
“Së pari njëherë, duhet të sjellin marina… Duhet të biem dakord njëherë, nga ‘mos ha bar’ tek një qëndrim që ngjason me gjithë narrativën që ka PD këto vite. Që Shqipëria për herë të parë ka ndërtuar kartele, pra në nivele të karteleve. Së dyti, që Shqipëria ka qenë në raportin e DASH vitin e kaluar, që është qendër për transitin e drogërave të forta si kokaina, heroina, dhe ka qenë rrugë dhe vendburim i kanabisit.
Dhe nga ana tjetër, të gjitha këto që thuheshin në raport edhe më përpara, tani po theksohen. Ambasadorja e SHBA-ve në Shqipëri nuk flet për qeverinë. Kartelet këtë kuptim kanë, kanë lidhje ndërkombëtare, kanë lidhje financiare të mëdha që investojnë, etj-etj. Kur PD e thotë që jemi në kushtet e krijimit të karteleve të fuqishme, që vetëm SKY ECC i Çopjave sikur dilte diku 3 miliardë euro, në mos gaboj.
Janë para të cilat jo vetëm investohen në ekonomi, jo vetëm investohen në Shqipëri për tu pastruar, por përdoren kryesisht për të impaktuar në vendimmarrjet politike duke mbështetur kandidatë të caktuar, duke marrë burime natyrore, duke marrë leje ndërtimi dhe më pas për të vendosur në pikat kyçe në administratën publike dhe për të vënë në institucione të tjera që kanë të bëjnë me sigurinë në këtë vend, njerëzit e vet. Në këtë kuptim, së pari sot kemi një qëndrim krejt të ndryshëm të SHBA-ve i mirëpritur për rolin në Shqipëri,” tha Salianji.
