Edi Rama ka reaguar në lidhje me pamjet e publikuara në media, ku një efektiv i Policisë Kufitare të Dibrës, shtetasi A.I., i cili së bashku me mikun e tin dhunoi një kamarier në qytetin e Vlorës.
Sipas Ramës, pezullimi nga detyra është vetëm hapi i parë, pasi ai duhet të përjashtohet pa kthim nga radhët e Policisë së Shtetit, si dhe të dorëzohet para drejtësisë sapo të dalë nga spitali. Kjo për shkak se më vonë ai u dhunoi nga pronari i lokalit, duke e bërë për spital.
Rama e trajton këtë si një rast “të veçantë”, ndërkohë që “Sky Ecc” na i tregon më së miri se një pjesë e konsiderueshme e efektivëve të Policisë së Shtetit janë të përfshirë në krime dhe në trafik droge.
“Pezullimi nga detyra i efektivit të Policisë së Shtetit Dibër, që jashtë shërbimit ka marrë pjesë në një konflikt të shëmtuar fizik në Vlorë, është vetëm masa e parë që duhet të pasohet nga përjashtimi i këtij individi pa kthim në radhët e policisë, si edhe nga dorëzimi i tij në duart e drejtësisë sapo të dalë nga spitali.
Ndërkohë në pakon e masave të reja të reformës së kontrollit të territorit, janë përshirë edhe rritje të peshës së përgjegjësisë para ligjit të të gjithë punonjësve të shtetit që operojnë në kontakt më komunitetet e me qytetarët, të cilëve nuk do t’u tolerohen shkeljet e asnjë natyre që cenojnë komunitetin apo qytetarin, qoftë gjatë orëve të shërbimit qoftë jashtë orëve të shërbimit.
*Shembull: Çdo punonjës i shtetit që zotëron një ngrehinë pa leje për qëllim fitimi apo që shfrytëzon një hapësirë publike për të nxjerrë fitim, përveç ndëshkimeve të njëjta për të gjithë do të ndiqet penalisht dhe do përjashtohet nga detyra pa të drejtë kthimi në sektorin shtetëror për një numër të konsiderueshëm vitesh”, shkruan Rama në rrjetet sociale.
