Fushata e Edi Ramës për çlirimin e hapësirave publike po ecën me ritme të shpejta, por vetëm atje ku nuk preken interesat e mëdhenj.
Ndërhyrjet përfshijnë shembjen e strukturave pa leje, largimin e tavolinave, tendave apo kioskave të vendosura jashtë kushteve të lejuara, si dhe pastrimin e çdo pengese që kufizon lëvizjen e lirë të qytetarëve në trotuare apo hapësira të tjera publike. Por për bizneset në “Delijorgj”, IMT e Bashkisë Tiranë ka mbyllur sytë.
Teksa kioskat nëpër zona të ndryshme të Tiranës janë rrëzuar me zell nga fadromat e IMT-së, në kompleksin Delijorgji gjithçka është e paprekur, si në ndonjë rezervat oligarkik. IMT e Bashkisë Tiranë nuk ka guxuar të afrohet, sepse, siç duket, ligji për ndërtimet pa leje ka sy selektiv, sheh vetëm nga periferitë.
Administratorit të kompleksit, Mihal Delijorgji, mesa duket i ka rënë shorti i imunitetit urban. Në atë zonë devijojnë fadromat e IKMT-së, ose ndoshta parimi i barazisë përpara ligjit ka nevojë për një përjashtim të artë.
PAMJET nga “Delijorgji” i paprekur:
