Edi Rama “de facto”, e ka shpallur veten edhe kryebashkiak të pjesës më të madhe të bashkive në vend, në momentin kur i rreshtovi kryebashkiakët “de jure” për një dhe me një urdhër të vetëm, ata shkarkuan kryetarët e njësive administrative, nënkryetarët dhe drejtorët.
Ndërkohë sot përmes një postimi në rrjetet sociale, Rama ka bërë thirrje për aplikim për vendet e lira për drejtimin e sektorëve të ndryshëm në bashkitë, pas valës së dorëheqjeve.
Ajo që bie në sy është Bashkia e Tiranës, për të cilën Edi Rama thotë se ka konceptuar një strukturë të re organizative, në bashkëpunim me Institutin Tony Blair, duke shtuar se më vonë do të aplikohet edhe në bashkitë e tjera.
Ky ndryshim i strukturës së Bashkisë Tiranë ndodh teksa Erion Veliaj ndodhet prej muajit shkurt në burg dhe që nga momenti i prangosjes së tij, Rama e shpalli veten edhe kryebashkiak të Tiranës.
Postimi i plotë:
Bashkitë Durrës, Shkodër, Korçë, Dibër, Fier, Lushnjë, Elbasan dhe një sërë të tjerash kanë hapur tanimë thirrjet publike për aplikime për prurje të reja në drejtimin e sektorëve të ndryshëm të veprimtarisë së tyre
APLIKONI me kurajo dhe besim
Vlora që nisi e para po ecën me fazën e intervistave të të interesuarve, ndërkohë që në bashkëpunim me Institutin Tony Blair është konceptuar një strukturë e re organizative e Bashkisë Tiranë, e cila do të adoptohet edhe në bashki të tjera, për të forcuar shtyllat bazë të mirëqeverisjes vendore
Eshtë koha që bashkitë të fuqizojnë kontributet e tyre për Shqipërinë 2030 në Bashkimin Europian
