Nga Boldnews.al
Opinioni publik është mësuar që, sa herë që ndonjë prej atyre që konsiderohen “të fortë”, përplasen me Policinë apo pas ndonjë aksidenti me pasoja të rënda, uniformat blu nxitojnë të shpërndajnë informacione për “bllokim automjetesh luksoze”, ndërsa rëndon Prokuroria e Posaçme (SPAK) apo institucione të tjera ligjzbatuese raportojnë për “sekuestrimin” dhe “konfiskimin” e makinave me vlera të konsiderueshme.
Pas zhurmës mediatike, asgjë nuk bëhet më publike se cilat janë automjetet “luksoze” të sekuestruara apo konfiskuara, sa është vlera e tyre, cilët janë pronarët “e fortë”.
Për të kuptuar më mirë realitetin e këtyre fushatave propagandistike, “Boldnews.al” ka konsultuar një katalog të publikuar së fundmi nga Agjencia për Administrimin e Pronave të Sekuestruara dhe Konfiskuara (AAPSK).
Të dhënat e publikuara nga institucioni që është përgjegjës për pasuritë e bllokuara tregon se “parkimi” i tij i ngjan më së shumti një “varreze makinash”, të ngjashme, në mos më të varfëra sesa ato që gjenden rëndom në atë rrugëve ndërurbane, në qytete të ndryshme të Shqipërisë.
Meqë “fotot shprehin më shumë se një mijë fjalë”, në vijim gjenden disa automjete, nëse mund të quhen të tilla, që qëndrojnë të bllokuara sipas Agjencisë së Pronave të Sekuestruara dhe Konfiskuara. Krahas fotove janë edhe “vlerat” e tyre, sipër përcaktimeve të bëra nga vetë institucioni publik.
Lista e “varrezës së makinave”
- Bazuar në Vendimin nr.25 datë 11.05.2023 të Gjykatës së Posaçme të Shkallës së Parë për Korrupsionin dhe Krimin e Organizuar, lënë në fuqi vendimin nr.43 datë 05.07.2022 të Gjykatës së Posaçme të Shkallës së Parë për Korrupsionin dhe Krimin e Organizuar, pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit Automjet i markës “Mercedes Benz modeli 190 d”. Vlera, 30.000 lekë.
- Bazuar në Vendimin nr.56 datë 05.10.2022 të Gjykatës së Posaçme të Shkallës së Parë për Korrupsionin dhe Krimin e Organizuar, pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit Biçikletë, Model “PLETSCHER”. Vlera, 1.000 lekë.
- Bazuar në Vendimin Nr. 43, dt.30.05.2022 i Gjykatës së Posaçme të Shkallës së Parë për Korrupsionin dhe Krimin e Organizuar, pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit Automjet i markës Mercedes Benz, model “ML”. Vlera, 10.000 lekë.
- Bazuar në Vendimin Nr.10/29/125 datë 06.02.2023 të Gjykatës së Posaçme të Shkallës së Parë për Korrupsionin dhe Krimin e Organizuar, pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit Automjet i markës PORSCHE, model “Panamera”. Vlera, 50.000 lekë.
- Bazuar në Vendimin nr.11 datë 22.02.2022 të Gjykatës së Posaçme të Shkallës së Parë për Korrupsionin dhe Krimin e Organizuar, pasuria e luajtshme është konfiskuar dhe ka kaluar në administrim të shtetit.Bëhet fjalë për pasurinë e luajtshme e llojit automjet i markës MERCEDES BENZ. Vlera, 50.000 lekë.
- Bazuar në Vendimin Nr.1302/19 date 23.08.2022 të Gjykatës së Shkallës së Parë të Rrethit Sarandë, pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit Automjet i markës Volksëagen. Vlera, 40.000 lekë.
- Bazuar në Vendimin nr.148 datë 09.07.2021 të Gjykatës së Posaçme të Apelit për Korrupsionin dhe Krimin e Organizuar , pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit Automjet i markës Audi modeli “A3”. Vlera, 50.000 lekë.
- Bazuar në Vendimin nr.148 datë 09.07.2021 të Gjykatës së Posaçme të Apelit për Korrupsionin dhe Krimin e Organizuar , pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit Automjet i markës Audi modeli “A6”. Vlera, 50.000 lekë.
- Bazuar në Vendimin nr.27 datë 22.10.2020 të Gjykatës së Posaçme të Shkallës së Parë për Korrupsionin dhe Krimin e Organizuar , pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit Automjet i markës AUDI. Vlera, 50.000 lekë.
- Bazuar në Vendimin nr.27 datë 22.10.2020 të Gjykatës së Posaçme të Shkallës së Parë për Korrupsionin dhe Krimin e Organizuar , pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit Automjet i markës Volksëagen Golf. Vlera, 100.000 lekë.
- Bazuar në Vendimin nr.62-2023-1016-(132) datë 24.03.2023 të Gjykatës së Shkallës së Parë të Rrethit Gjyqësor Fier, pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit motorr ” KAËASAKI “. Vlera, 10.000 lekë.
- Bazuar në Vendimin nr.149(87-2023-238) datë 26.10.2023, të Gjykatës së Posaçme të Apelit për Korrupsionin dhe Krimin e Organizuar, pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit Automjet i markës RENAULT, Model “Megane”. Vlera, 100.000 lekë.
- Bazuar në Vendimin Nr.10/29/125 datë 06.02.2023 të Gjykatës së Posaçme të Shkallës së Parë për Korrupsionin dhe Krimin e Organizuar, pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit Automjet i markës SMART. Vlera, 50.000 lekë.
- Megjithatë, për të rregulluar imazhin e “garazhdit” të Agjencisë së Pasurive të Sekuestruara dhe Konfiskuara shërben makina luksoze që ka pasur në dispozicion biznesmeni Ylli Ndroqi.
Bazuar në Vendimin nr.17, datë 03.11.2022 të Gjykatës së Posaçme të Shkallës së Parë për Korrupsionin dhe Krimin e Organizuar, pasuria e luajtshme është konfiskuar dhe ka kaluar në administrim të shtetit. Bëhet fjalë për pasurinë e luajtshme e llojit automjet i markës Rolls Royce, modeli “PHANTOM”. Vlera, 51.200.000 lekë.
Katalogu i automjeteve në administrim të Agjencisë së Pronave të Sekuestruara dhe Konfiskuara duhet mbajtur në vëmendje, kur publikut i serviren informacione policore apo nga Prokuroria e Posaçme për goditjen e fuqishme ndaj krimit të organizuar.
