Një qytetar nga Shkodra ka dërguar një denoncim të fortë për ngjarjen në doganën e Muriqanit, ku një automjet me targë AB 880 MF, që sipas tij i përket Belma Çelës, gruas së Agron Çelës dhe nënës së deputetes së re Xheni Çela, ka kaluar pa respektuar radhën e gjatë.
“Pa radhë në doganë te Muriqani. E njeh targën gjithë Shkodra” shkruan qytetari, duke shprehur habi dhe pakënaqësi për këtë privilegj.
Ndërkohë që shumë qytetarë presin në radhë të gjata, kjo makinë kalon pa pengesa, duke ngritur pyetjen e madhe: Pse policia e lejon këtë? A është shteti i paaftë apo i pa fuqishëm përballë disa njerëzve me pushtet që përfitojnë privilegje që nuk iu takojnë?
Kjo situatë reflekton një problem serioz me zbatimin e ligjit dhe barazinë para tij, duke theksuar nevojën urgjente për transparencë dhe përgjegjësi nga autoritetet.
Nuk dihet me siguri nëse automjeti në fjalë i përket realisht Belma Çelës, por pavarësisht kësaj, sjellje të tilla të toleruara nga autoritetet dëmtojnë ndjeshëm besimin e qytetarëve te drejtësia dhe barazia përpara ligjit. Ato japin ndjesinë se në Shqipëri, radhët dhe rregullat vlejnë vetëm për “njerëzit e zakonshëm”./ JOQ
