Sali Berisha, ka hedhur akuza për një tjetër deputete të ardhshme të Partisë Socialiste, që sipas tij, në zgjedhjet parlamentare të 11 Majit është mbështetur nga Suel Çela, kreu i një grupi kriminal në Elbasan.
Bëhet fjalë për Besa Spahon, e cila rezultoi si kandidatja grua më e votuar në Korçë, me 7 957 vota preferenciale, duke marrë kështu edhe mandatin.
Berisha tha se Edi Rama i dorëzoi Sule Çelës edhe Korçën për të dominuar tregun e lojërave të fatit dhe kokainës, por me kushtin që të mbështetej Besa Spaho. Kjo e fundit ka drejtuar agjencinë e ALUIZNI-t Tirana Jug, por edhe Kadastrën lokale, teksa aktualisht mban postin e nënkryetares së Bashkisë së Korçës.
“A nuk është luftë kjo që po bëjmë ne sot. Luftat nuk janë vetëm me kallashnikov dhe bazuka. Jo janë dhe këto. Beteja vazhdon, lufta vazhdon. Lufta jonë është, qeveri teknike, zgjedhje të lira. Por kur të pranojmë ne, kandidatët, zgjedhjet e karteleve të drogës, kurrë, kurrë.
Ajo që kam nxjerrë para jush këtu, Sara Milen, apo Besa Spahon e Suel Çelës në Korçë, se edhe atje ai, ai dominon tregun e lojërave dhe kokainës në Korçë. Rama i ka dorëzuar dhe Korçën atij me kusht që të mbështetej Besa Spaho. Ne po i gjejmë një e nga një ku janë dhe do të ua paraqesim botës, dhe shqiptarëve. Unë mora këta të dy, apo kandidatet e Altin Hajrit. Jo nuk i pranojmë ne. Apo të kartelit të Troplinëve, nuk i pranojmë ne. Apo Bajrëve. Kjo është betejë, është një betejë e vështirë, por e suksesshme dhe betejë për të vërtetën, dhe ne do e fitojmë këtë betejë.” – tha Sali Berisha.
