Sekretari i Përgjithshëm i Partisë Demokratike, Flamur Noka, shkruan në Facebook se ndërkohë që Luftar Hysa po planifikonte takimin me Edi Ramën, i biri i El Çapos, kreut të kartelit të drogës Sinaloa, qarkullonte lirshëm me makinën e tij me targa shqiptare.
Edhe pse i kërkuar nga drejtësia, ai publikoi vetë foton në Facebook, e cila më parë ishte shfrytëzuar nga media e huaj si kronikë rozë.
Reagimi i plotë:
Në kohën kur Luftar Hysa po planifikonte të takonte Edi Ramën, me makinën e tij gjezdiste i biri i El Çapos (El Chapo), kreut të kartelit Sinaloa.
Ndonëse në kërkim, i biri i Çapos shpërndau në Facebook fotografinë e automjetit me targa shqiptare.
Shtypi i huaj e publikoi fotografinë 10 vjet më parë, kur publiku shqiptar ende nuk i njihte lidhjet me Luftar Hysën. Sot që lidhjet janë bërë të njohura për shqiptarët, lajmi merr tjetër rëndësi.
Në vitin 2015, fotolajmi jehoi gjithandej, por publikut shqiptar iu shit si lajm i kronikës rozë.
Mos vallë vetëm Edi Rama s’ishte në dijeni dhe e priti Luftar Hysajn në takim?
