Për deputeten e PD, Jorida Tabaku tentativa e qeverisë dhe mazhorancës në pushtet për ‘uzurpimin’ e intsitucioneve të pavarura, KLSH, GJK dhe SPAK, nuk është vlerë demokracie.
Tabaku tha se kërcënimet e mazhorancës socialiste për të ‘shkrirë’ Kontrollin e Lartë të Shtetit në një Gjykatë Auditimi, janë treguesit më të qartë se Shqipëria më shumë se kurrë ka nevojë për më shumë institucione të pavarura.
Sipas saj, PS ka si qëllim, prishjen e balancave të institucioneve të pavarura, porse një qëllim i tillë vetëm sa do të pengojë procesin e integrimit dtë vendit në BE.
Për ligjvënësen demokrate është e pashpjegueshme e gjithë kjo vjedhje galopante e mazhorancës socialiste në sektorin publik, gjë që sipas Tabakut është reflektuar edhe në procesin zgjedhor të 11 majit.
“PD ka nevojë t’i shohë jo vetëm në pikëpamjen e denoncimit, që nga GJK, KLSH e SPAK, jo vetëm për ndërgjegjësim ndërkombëtar por edhe për t’i ndaluar këto tentative të kapjes së institucioneve të pavarura’, u shpreh ndër të tjera Tabaku.
‘S’e kisha të mundur të isha në seancën e KLSH, me të gjitha të metat e një institucioni ka hedhur dritë mbi një sërë skandalesh të qeverisë. 12 vite të qeverisë ka një abuzim, është vjedhur 8 mld euro, një buxhet i një viti i shtetit shqiptar, një konstatim nga KLSH. Ka gjetur në këto vite se një buxhet i Shqipërisë është zhdukur, pastaj koncesionet, paratë e pista etj, janë zë tjetër. Vjet në korrik KLSH pati gjetje të rëndësishme, atë që u konsiderua si skandal për akulloren e konatminuar dhe e ndaluar nga BE, gjetje në spitalin onkologjik.
Këtu mazhoranca u ngrit në këmbë, i gjithë Komisioni Ekonomisë. U ngrit në këmbë kundër KLSH. E sulmonin dhe atakonin, madje donin të ndryshonin strukturën e KLSH dhe kontrollin e tij. KLSH do shkrihet fare për t’u hapur një Gjykatë Auditimi. Ajo e djeshmja s’ka lidhje me realitetin. Shqipëria më shumë se kurrë ka nevojë për institucione të pavarura. Ku ka më shumë abuzime, duhet më shumë kontroll.
PD i ka bërë të qarta për sistemin e drejtësisë. Duhet bërë një analizë e asaj që ndodhi 7 vite më parë, dhe një analizë e rishikim total të faktit të zbatimit të reformës. Kjo që po ndodh me KLSH, sistemin e drejtësisë, është ‘urzurpim’ i vlerave të demokracisë. Këta duan t’i prishin institucionet dhe të ushtrojnë kontroll maksimal. Nëse ka një parim procesi i integrimit, në praktikë është vendosja e pavarësisë së institucioneve. Kjo që po ndodh ndaj institucioneve në 2-3 ditët e fundit, është e pakonceptueshme.
PD ka nevojë t’i shohë jo vetëm në pikëpamjen e denoncimit, që nga GJK, KLSH e SPAK, jo vetëm për ndërgjegjësim ndërkombëtar, por edhe për t’i ndaluar këto. Nga GJK te SPAK, KLSH për t’u vendosur nën kontroll, s’bëhet fjalë vetëm për PD, por për mekanizmat e demokracisë, prishja e balancave të një shteti normal. Kemi nevojë për një strategji dhe t’i pengojmë që këto të ndodhin. GjK ka pasur vendime kundër qeverisë, të Xhaçka te ligjet për Komisionet Hetimore, dhe qeveria s’i ka zbatuar, nëse ne edhe këto që kanë mbetur përpiqemi t’i kontrollojmë, këtu ka një problem që lidhet me gjerë, me median, me shoqërinë që këto institucione që kanë njëfarë balance të lejohen të urzurpohen.
Ne jemi duke u marrë me denoncimin e zgjedhjeve dhe një analizë. PD ka nevojë t’i shohë këto procese me qetësi, edhe një mënyrë se si do të jetë rruga përpara.
Këtu ndodhin gjëra të pashpjegueshme që s’ti kap as logjika. Kam qenë në procesin e numërimit te Greqia e shikon një trend 99% të votës së diasporës për PS, e s’i jap dot përgjigje. Vjedhja në Shqipëri është galopante, vjedhje në sektorin publik dhe që kanë ndikuar në procesin zgjedhor”, tha Tabaku per Syri tv.
