Një aksident tragjik është regjistruar në orët e para të mëngjesit të sotëm, rreth orës 2:00, në aksin rrugor “Pogradec-Korçë”, pranë fshatit Symiz të Maliqit.
Autoritetet policore raportojnë se automjeti me drejtues shtetasin D. Xh., ka përplasur një këmbësore, shtetasen E. M., 43 vjeçe. Si pasojë e përplasjes së fortë, gruaja ka ndërruar jetë në vendin e ngjarjes.
Dyshohet se shkaku i aksidentit mund të ketë qenë shpejtësia tej normave të lejuara me të cilën lëvizte mjeti, si dhe mungesa e ndriçimit në rrugë. Drejtuesi i automjetit shtetasi D. Xh., është shoqëruar në ambientet e Komisariat për veprime të mëtejshme.
Policia thotë se grupi hetimor nën drejtimin e Prokurorisë, po punon për përcaktimin e rrethanave dhe shkakut të aksidentit.
