Dy gjigantët e teknologjisë, Apple dhe Meta, janë të detyruar që të paguajnë së bashku 700 milionë euro tek Bashkimi Europian.
Vlera prej 500 milionë Euro është lëshuar ndaj Apple, pikërisht për App Store, ndërsa me 200 milionë Euro ndaj Meta për sa zgjedhje përdoruesit duhej të pranonin për mbledhjen e të dhënave (data collection), raporton BBC.
Apple u gjobit pasi duhet të ofrojë tregje alternative të aplikacioneve për përdoruesit dhe zhvilluesit e aplikacioneve. Meta nga ana tjetër, u gjobit pasi përdoruesit duhej të zgjidhnin midis lejimit të kompanisë për të kombinuar të dhënat që kishte mbledhur nga Facebook dhe Instagram, ose ndryshe të paguanin një abonim mujor.
Në mars të vitit të kaluar, Bashkimi Evropian nisi hetimet e saj për Apple, Meta dhe Google, ndërsa kjo e fundit duket se i ka shpëtuar gjobës. Hetimi u bë për të verifikuar nëse kompanitë kanë thyer rregullat, e nëse kanë shkelur Aktin e Tregjeve Dixhitale, projekt i prezantuar më 2022.
Po asokohe, Apple u gjobit nga unioni evropian në vlerën 1.8 miliardë Euro për shkeljen e ligjeve të konkurrencës mbi transmetimin e muzikës.
