Aanalisti Andi Bushati ka kritikuar emrat e kandidatëve për deputetë të Partisë Demokratike për Tiranën, ku tha se duheshin më shumë njerëz që ti flisnin pjesës gri të shoqërisë.
Bushati u shpreh se, lista e PD është një listë besnikësh, të cilët duhet të përpiqen që të marrin vota jashtë simpatizatëve të opozitës.
‘Ajo që më shqetëson mua, pjesa e listës së hapur të opozitës, për aq sa njoh unë, është se lista e hapur është ajo pjesë që mund të sjellë në thesin e opozitës dhe vota që nuk janë vetëm të militantëve, apo simpatizantëve të PD.
Nga emrat që ju lexuat, i vetmi person që shoh, që mund të sjellë një prurje nga jashtë PD-së, mund të jetë doktor Alimehmeti. A do të duheshin më shumë personazhe të tilla në këtë listë?
PD nuk i ka futur figura të tilla në listë të mbyllur, e ka ruajtur vetëm për figurat e saj klasike. Kur e fut në listë të mbyllur, ti lëshon një sinjal, apo një simbolikë që unë jam i hapur edhe për shtresa të tjera të shoqërisë. Nuk e ka bërë për listën e mbyllur.
Meraku im me këtë listë dhe Tirana është simbolika, është se duket si një listë e projektuar me kompleksin se do ngelemi në opozitë dhe ky kompleks kërkon njerëz besnik.
Nëse ti do duash të hapesh do kesh më shumë njerëz që ti flasin më shumë pjesës gri të shoqërisë, që nuk e shoh as në pjesën e hapur apo të mbyllur të listës së PD, fatkeqësisht’, tha Andi Bushati në SYRI TV.
