Një aksident tragjik është regjistruar këtë të hënë, rreth orës 12:30, në autostradën “Lezhë-Fushë Krujë”, ku një automjet ka përplasur për vdekje një këmbësor.
Autoritetet policor raportojnë se viktima është shtetasi Rexhep Tamizi, 77 vjeç, i cili ka humbur jetën në vendin e ngjarjes.
Ndërkohë, automjeti që ka përplasur për vdekje të moshuarin, është larguar në drejtim të paditur pas aksidentit dhe ende nuk është identifikuar.
Policia thotë se grupi i posaçëm hetimor po punon për të identifikuar drejtuesin e automjetit që ka përplasur shtetasin R. T., si dhe për të sqaruar rrethanat e aksidentit.
