5 parcela me kanabis në ambiente të mbyllura dhe të hapura janë zbuluar nga policia e Lezhës pas një aksioni antidrogë në fshatin Velë.
Gjatë këtij operacioni në pranga ranë 2 persona të identifikuar si Marin Feta, 39-vjeç dhe Anton Mashnori, 27-vjeç, teksa në gjendje të lirë do të hetohen 4 punonjës të OShEE-së.
Asgjësohen 174 bimë të dyshuara narkotike Cannabis Sativa.
Sekuestrohen 2 armë gjahu që mbanin autorët, pajisje që furnizoheshin me lidhje të paligjshme të energjisë elektrike dhe i shërbenin kultivimit të bimëve narkotike në ambiente të mbyllura, një sasi lënde e dyshuar narkotike Cannabis Sativa, 1 automjet dhe 18 celularë.
