Ditën e sotme do të mbahet seanca gjyqësore në GJKKO për rivlerësimin e masës së sigurisë të avokatit Bardh Koçi, të cilit tre ditë më parë iu caktua masa “Arrest në shtëpi” nga SPAK në akuzë për ushtrim të ndikimit të paligjshëm ndaj personave që ushtrojnë funksione publike.
Mësohet se ai ka kërkuar një masë më të lehtë sigurie, duke marrë parasysh rrethanat shëndetësore të gruas së tij.
Nga hetimet e SPAK rezulton se ai i ka kërkuar një shumë prej 4 mijë eurosh klientes së tij, Pranvera Meshi, dhe i ka marrë paraprakisht 1 mijë euro, me qëllim për të ndikuar në vendimmarrjet e funksionarëve të drejtësisë lidhur me çështjen në ngarkim të saj.
Burime bëjnë me dije se avokati Bardh Koçi ka pretenduar se do të ndikonte tek gjyqtari i çështjes. Pas zhvillimit të seancës gjyqësore, avokati ka komunikuar me të hetuarën Pranvera Meshin dhe ka kërkuar shumën e parave, të cilat më pas janë dërguar prej saj me “Western Union”.
Por të dhënat e përftuara nga përgjimet telefonike, ambientale apo vëzhgimet e kryera nga policia gjyqësore, nuk provojnë që ai të ketë komunikuar me funksionarët e drejtësisë para zhvillimit të seancës. Gjithsesi, ushtrimi i ndikimit tek funksionarët nuk rezulton të jetë kryer
