Analisti Andi Bushati thotë se ekziston një teori që Edi Rama e ka çuar vetë Erion Velinë drejtë qelisë dhe tani “lotët” për të dhe sulmet ndaj SPAK, janë një lloj teatri që duhet të mbajë të karikuar ata që e mbështesin ende Veliajn.
I ftuar në emisionin “Të Paekspozuarit” Bushati tha se në mitingun me punonjësit e Bashkisë, Edi Rama e shpalli veten kryetar bashkie dhe e vulosi se deri në 16 Maj, Veliaj nuk do të lirohet.
“Ka patur një teori që Rama ka dhënë viston vetë që Veliaj të hyjë brenda. Çfarë bëri Rama sot? Paragjykoi drejtësinë. Ai nuk mendon se Veliaj mund të lirohet nga Apeli. Nuk mendon se Veliaj mund të lirohet nga Gjykata e Lartë. Ai tha kryetar bashkie tani jam unë, mobilizohuni se pa Erionin duhet të bëjmë edhe mbledhjen e 16 majit.
A e forcon kjo tezën e një bashkëpunimi Rama-SPAK për ta futur brenda? Është një hipotezë. A do të kishte interes Rama, që gjasme po i bie SPAK pasi ka bërë lojën vetë? Po patjetër, sepse do të karikojë militantët pro Veliaj. Sepse dridhet si qen ng hipoteza e një Arben “Ahmetaj 2”. Sikur Veliaj të mendojë se ja ka bërë Rama dhe të bëjë të penduarin?
Rama mund ta ketë futur vetë në bashkëpunim me SPAK dhe çirret tani për arsye elektorale dhe të shmangë një kundërveprim të Veliajt. Këto janë të gjitha hipoteza. Po ta shihje në formë, më ngjau si mitingu i 2 korrikut, që mblodhi Partia e Punës, miting fund regjimi, që i kanë rënë brekët por do të tregojë forcë. Ajo që duket është kjo, Rama sot vulosi që Veliaj deri në 16 maj nuk lirohet, prandaj u vu vetë kryetar dhe vuri atë gocën të lexonte elegji atje. Ai sot u vendos kryetar dhe vendosi që kryetari real është në burg dhe nuk lirohet”, tha Bushati.
