Jeton Lami, një nga personat e arrestuar për tritolin në Kamëz është ish-oficer i operacionales.
Lami është arrestuar më herët për shpërdorim detyre pasi akuzohej se shoqëronte Ervis Martinajn para se ai të zhduket.
Ndërsa në lidhje me ngjarjen në Kamëz, Lami dyshohet se ai në bashkëpunim me Florin Domin dhe Flogert Mezhikën, i kanë vendosur tritol biznesit për një gjobë me vlerë 500 000 euro.
“Nga hetimet dyshohet se këta shtetas kanë hedhur lëndë eksplozive në fasadën e jashtme të biznesit, duke shkaktuar dëme materiale, për shkak të mosdhënies së një shume prej 500 000 euro, të kërkuar në formë gjobëvënieje ndaj pronarit të objektit, shtetasit S. S”,- njoftoi Policia.
