Gjatë konferencës së sotme me gazetarët, Sali Berisha është pyetur dhe mbi mundësinë e një koalicioni parazgjedhor me Partinë e Lirisë për zgjedhjet e 11 Majit dhe futjen e Ilir Metës në listën e sigurtë të kandidatëve për deputet në Tiranë.
Berisha deklaroi se janë të hapur për një koalicion me Partinë e Lirisë, por nuk dha një përgjigje konkrete nëse a do të jetë Meta në në listën e sigurtë të kandidatëve për deputet në Tiranë.
Ai tha se renditja e Metës dhe numrit se sa kandidat do të ketë Partia e Lirisë iu përket negociatave, të cilat janë duke vazhduar.
Berisha: Ne jemi të hapur për koalicion me Partinë e Lirisë, negociatat vazhdojnë, por jemi të hapur për koalicion me PL-në dhe Ilir Metën. Kur bëhet koalicion, nuk ka diskutim që ndahen edhe ato vendet e sigurta. Kjo nënkupton atë që thoni ju, por si do jetë e sa do jetë, kjo është çështje negociatash. Sali Berisha vjen në pushtet me mbështetjen masive të shqiptarëve, natyrisht mbështetja ndërkombëtare siç është CDU është një faktor shumë i rëndësishëm në bashkëpunimin e ardhshëm të saj me qeverinë, por dhe në opozitë kemi pasur bashkëpunim. Unë e bazoj fitoren tek vota e shqiptare dhe unë e kam paralajmëruar me kohë fitoren, e shoh kudo. Edi Rama është në shuarje. Vini re fushatën e tyre, se si shkon dhe mbush një kriminele, merr nxënësit nga të katër anët e Shqipërisë Ogerta, korba e korrupsionit, merr nxënës nga të 4-anët dhe mbush pallatin e kongreseve. E bën njëlloj si Kim Jong Un i Koresë apo Llukashenko i Bjellorusisë. E bën i tmerr nga fitorja e PD-së. Nuk dua të prononcohem për nivelin. Janë 3 propozim. Një është në rang kombëtar, por sistemi rajonal. Tjetrit është në rang dege dhe i treti është sistemi rajonal, në rang qarku. Cila do të pranohet do vendoset nga forumet e partisë.
