Kreu i PD-së, Sali Berisha, ka komentuar vendimin e SPAK për ta marrë të pandehur kryebashkiaken e Roskovecit, Majlinda Bufi.
Berisha deklaroi se shoferi i Bufit “merrej me drogë dhe kishte një mijë probleme”, ndërsa theksoi se shumë prej të pandehurve të SPAK, sipas tij, nuk kanë marrë ende dënime konkrete.
Sali Berisha: Majlinda Bufi, shoferi i të cilës bënte drogë dhe kishte 1 mijë probleme. Duhet të shoh sepse çfarë ndodh me këta të pandehurit e SPAK-ut, gjer sot nga të gjithë shifrat që japin ka vetëm 2 të dënuar për korrupsion, Lefter Koka dhe Alqi Bllako.
Këta luftojnë për statistika, ndaj s’mund të kem besim pa parë rezultatin çfarë po ndodh, që Bufi ishte një delinkuente e kanë denoncuar qytetarët digjital dhe unë u kam publikuar mesazhet.
Përfundim duhet të shihet sepse jam i zhgënjyer nga moria e pafundme e akuzave boshë. 251 mandate arresti kallp, janë njoftuar përpara dhe kanë ikur, mandate të pa ekzekutuara.
