Pjesa dërrmuese e pacientëve që paraqiten në urgjencën e përgjithshme dhe atë pediatrike të spitalit të Durrësit, nuk kanë nevojë për shërbim të specializuar, por serish qytetarët dynden në dyert e spitalit. Mjekët gjithashtu apelojë që të shmangen antibiotikët pa recetën e mjekut si dhe kontaktin e parë ta kenë me mjekun e familjes.
Spitali rajonal i Durrësit në këtë periudhë virozash është ndër spitalet rajonale që po përballet me flukset më të larta të pacientëve që kërkojnë ndihmë mjekësore.
Sipas të dhënave nga ky spital, në urgjencën e përgjithshme dhe atë pediatrike regjistrohen rreth 500 vizita në 24 orë. Por ndërsa fluksi paraqitet i lartë, komplikacionet e rënda janë të pakta dhe për këtë arsye mjekët apelojnë qytetarët që mos të vijnë të gjithë në urgjencën e spitalit pasi pjesa dërrmuese e pacientëve mund të marrin shërbimin nga mjekët e familjes.
Gjithashtu mjeku këshillon që të mos përdoren antibiotikët pa këshillimin e bluzave të bardha, pasi mund të zgjasin periudhën e virozëve. Një situatë e tillë virale pritet të mbizotërojë deri në fund të muajit shkurt.
