Kryeministri i Groenlandës Mute Egede propozoi që zgjedhjet e përgjithshme në ishull të mbahen më 11 mars dhe tha se do t’i kërkojë parlamentit të miratojë propozimin.
Fushatat zgjedhore pritet të fokusohen në aspiratat e ishullit për pavarësi, raporton Reuters.
“Këto janë momente të rënda. Një kohë që nuk e kemi përjetuar kurrë në vendin tonë. Kjo nuk është koha për ndarje të brendshme,” tha Egede në një postim në rrjetet sociale.
Presidenti amerikan Donald Trump shprehu dëshirën e tij për të aneksuar ishullin danez në SHBA në dhjetor dhe nuk përjashtoi përdorimin e forcës ushtarake apo ekonomike.
Grenlanda ishte një koloni daneze deri në vitin 1953 dhe që atëherë i është dhënë autonomi e gjerë, duke përfshirë të drejtën për të shpallur pavarësinë, megjithëse Kopenhagen mbetet përgjegjës për sigurinë dhe politikën e jashtme të Grenlandës.
Territori gjysmë autonom i Danimarkës ka thënë se është i hapur për tregti, por nuk dëshiron të jetë pjesë e Shteteve të Bashkuara.
