Personi që depërtoi në ambientet e një banke të nivelit të Dytë në Korçë, duke se s’ka pasur për qëllim të kryejë grabitjen e vlerave monetare në bankë, por vetëm të realizojë një video në Tik-Tok dhe më pas të largohet, pa mundur të kapet nga punonjësit e sigurisë së bankës.
Hetimi që po kryhet nga prokuroria e Korçës, ka konfirmuar se personi ende i paidentifikuar, nuk ka pasur armë me vete dhe ka qëndruar në ambientin e hollit të jashtëm vetëm 1 minutë e 30 sekonda.
Gjatë hyrjes ai ka goditur derën e jashtme me këmbë dhe më pas ka hapur telefonin, duke hyrë drejtpërdrejt në profilin e tij në Tik-Tok.
Qëndrimi i tij është bërë në hollin e jashtëm të bankës, pa depërtuar në brendësi, ku janë shërbimet e Arkës dhe shërbimet e tjera për klientët.
Nga pamjet filmike të sekuestruara në bankë nga prokuroria e Korçës, është dalluar qartë se personi ende i paidentifikuar nuk ka pasur për qëllim të kryejë grabitjen e bankës.
Ai futet në holl i pamaskuar, i paarmatosur dhe fillon të filmojë veten me telefonin që mban në dorë. Kamerat kanë filmuar se njeriu i paidentifikuar është futur live në median sociale “Tik-Tok” dhe teksa ka filmuar veten për 1 minutë e 30 sekonda është larguar me shpejtësi.
Punonjësit e bankës duke parë këtë skenë kanë lëshuar alarmin e kuq për policinë e Korçës, ku një patrullë “Shqiponja” shumë shpejt ka mbërritur në vendin e ngjarjes por pa mundur të lokalizojë dhe ndalojë personin që realizoi këtë gjest brenda ambienteve të bankës së nivelit të dytë.
Hetimet ndaj këtij rasti vijojnë të jenë ende aktive, me qëllim identifikimin dhe ndalimin e personit, për sqarimin e mëtejshëm të rrethanave të ngjarjes dhe qëllimit të tij për tu futur në bankë./Ora News
