Policia e Tiranës ka reaguar lidhur me pamjet e publikuara në rrjetet sociale, ku shfaqej një qytetar i gjakosur në pjesën e kokës dhe i neutralizuar nga dy efektivë të Policisë Rrugore, ku pretendohej se këta të fundit e kishin goditur me radio-marrës.
Blutë e kryeqytetit sqarojnë situatën, e cila sipas tyre ka ndodhur më 5 Dhjetor në rrugën “Myslym Keta” dhe shtetasit F. Gj., i cili shfaqet në video, është përfshirë në një aksident ku ka përplasur makinën me mjetin me drejtuese shtetasen R. M. dhe më pas është larguar nga vendi i ngjarjes.
Pasi patrulla e qarkullimit ka shkuar në vendin e ngjarjes, shtetasi F. Gj. dhe ka nisur të debatojë me shoferen R. M., me të cilën u përfshi në aksident. Sipas Policisë së Tiranës, efektivët e Rrugores ndërhynë për të qetësuar situatën, por shtetasi F. Gj. i ka ofenduar dhe më pas i ka goditur me grusht një prej efektivëve.
Në reagimin për mediat thuhet se pas shoqërimit në komisariat, testi i alkoolit i ka rezultuar me 0.82 mg/l dhe është arrestuar për veprat penale “Goditjet për shkak të detyrës”, “Kanosja për shkak të detyrës”, dhe “Drejtimi i automjeteve në mënyrë të parregullt”.
Efektivi i Rrugores që u godit nga shtetasui F.GJ. bëhet me dije se ndodhet në regjim me raport mjekësor 10 ditor.
Njoftimi i plotë:
Në lidhje me një video të publikuar në rrjete sociale, ju informojmë se:
Më datë 05.12.2024, në rrugën “Myslym Keta”, mjeti me drejtues shtetasin F. Gj., është përfshirë në një përplasje me mjetin me drejtuese shtetasen R. M., dhe më pas shtetasi F. Gj. është larguar nga vendi i ngjarjes.
Pasi patrulla e qarkullimit ka arritur në vendngjarje dhe ka marrë kontakt me shtetasen R. M., është rikthyer në vendngjarje dhe shtetasi F. Gj. së bashku me mjetin e përfshirë në aksident dhe ka nisur debat me drejtuesen e mjetit.
Shërbimet e Policisë kanë ndërhyrë për të qetësuar situatën, por gjatë ndërhyrjes, shtetasi F. Gj. ka filluar të ofendojë punonjësit e policisë, dhe gjatë përpjekjes për ta neutralizuar, shtetasi F. Gj. nuk i është bindur urdhrave dhe ka goditur me grushte një punonjës Policie.
Më pas drejtuesi i mjetit, shtetasi F. Gj., është shoqëruar në komisariat ku i është bërë testi i alkoolit i cili ka rezultuar:
• Testi i parë: 0.82 mg/l
• Testi i dytë: 0.66 mg/l
• Testi i tretë: 0.71 mg/l.
Në vijim të veprimeve është bërë arrestimi i tij për veprat penale “Goditjet për shkak të detyrës”, “Kanosja për shkak të detyrës”, dhe “Drejtimi i automjeteve në mënyrë të parregullt”.
Punonjësi i Policisë, si pasojë e dëmtimeve të marra nga goditjet e shtetasit F. GJ. ndodhet në regjim me raport mjekësor 10 ditor.
Për këtë rast, Drejtoria Vendore e Policisë Tiranë ka dhënë njoftim për arrestimin e këtij shtetasi më datë 06.12.2024, në përmbledhjen ditore.
View this post on Instagram
