Partia Demokratike ka dalë me një komunikatë për mediat në lidhje me takimet që deputetët e kësa force politike zhvilluan ditën e sotme me eurodeputetët e Parlamentit Europian në Strasburg.
Sipas PD-së, temat që janë diskutuar nl takimin me kryetarin e Komisionit të Jashtëm McAllister dhe eurodeputetë të tjerë të grupit politik të PPE dhe te Konservatoreve Europiane kanë qenë situata politike në Shqipëri, sulmi i vazhdueshëm ndaj opozitës nga mazhoranca, burgosjet politike të lidershipit të opozitësdhe ndikimi në zgjedhje i krimit të organizuar.
Sipas PD-së, eurodeputetët e Partive Popullore Europiane janë shprehur se do të mbështesin opozitën shqiptare në zgjedhjet e ardhshme parlamentare, si dhe do të mbështesin PD-në në luftën e saj e te opozitës në përgjithësi për zgjedhje të lira e të ndershme.
Takimet e deputetëve të Partisë Demokratike me eurodeputetët e Parlamentit Europian do të vazhdojnë edhe gjatë ditës së nesërme.
Komunikata e plotë e zyrës së shtypit të PD-së
Situata politike në Shqipëri, sulmi I vazhdueshëm ndaj opozitës nga mazhoranca, burgosjet politike të lidershipit të opozitës, ndikimi në zgjedhje i krimit të organizuar, ishin temat e takimit të deputetëve demokratë me Kryetarin e Komisionit të Jashtëm McAllister dhe eurodeputetë të tjerë të grupit politik të PPE dhe te Konservatoreve Europiane.
Gjithashtu në takimet informuese dhe sensibilizuese Drejtuesit e grupeve të PPE dhe Konservatore garantuan se mbështesin një Shqipëri të angazhuar kundër krimit të organizuar, pastrimit të parave, korrupsionit dhe influencës së tyre në qeverisje.
Ata u shprehën se do të mbështesin opozitën shqiptare në zgjedhjet e ardhshme parlamentare. PPE do të mbështesë PD në procesin zgjedhor dhe luftën e saj e te opozitës në përgjithësi për zgjedhje të lira e të ndershme.
Qëndrimi i eurodeputetëve është se Shqipëria, si vend anëtar i NATO duhet të respektojë voten e lirë të qytetarëve dhe të zbatojë rekomandimet e OSBE-ODIHR.
Eurodeputetët theksuan se Integrimi europian është një proces që sapo ka nisur dhe do kushtëzohet nga rekordi i Shqipërisë në luftën kundër krimit, korrupsionit dhe për zgjedhje të lira e të ndershme.
Takimet e grupit Parlamentar të PD nisën paraditen e kësaj të mërkure në Strasburg, të cilat do të vijojnë edhe përgjatë ditës së enjte.
