Ditën e sotme mbahet Maratona e Tiranës, ku Bashkia në bashkëpunim me Policinë e kanë çuar kryeqtit në “paralizë”, duke i bllokuar gjysmat e rrugëve për 8 orë rresht (08:00 me 16:00).
Ndërkohë, në momentin kur kryebashkiaku Erion Veliaj do të dilte për të bërë kasetën propaganduese për t’ia u dërguar më pas mediave, disa të rinj kanë zgjedhur të protestojnë përballë tij me pankarta në duar.
“Veliaj kampion absolut i vjedhjes”, “Welcome to: Inceneratori i Tiranës”, “Ku janë konviktet?”, “Ju vraponi në maratonë 1 ditë, ne vrapojmë për të kapur mësimin çdo ditë”, ishin disa prej pankartave që mbanin të rinjtë në duar.
Ndërkohë, për të mos i prishur imazhin “e kulluar”, i shumë akuzuari për vjedhje Erion Veliaj ka urdhëruar efektivët e Policisë që t’i largonin të rinjtë, edhe pse thjesht po qëndronin në trotuar.
Pamjet janë shpërndarë nga kreu i PD-së, Sali Berisha në rrjetet sociale, i cili shkruan: “Lal vjedhësi përdor narko-policinë e tij ndaj të rinjve që protestojnë kundër vjedhjeve të tij në Bashki.”
