Analisti Genc Burimi i ftuar në ‘Task Force’ me Sonila Meçon në SYRI TV, duke komentuar zhvillimet në parlament pas dënimin të Ervin Salianjit, deklaroi se, me këtë vendim, u unifikua edhe më shumë PD-ja.
Sipas Burimit, tashmë janë 40% e shqiptarëve që mendojnë se nuk ka drejtësi.
‘Kjo që ndodhi me Salianjin, arriti të bashkojë të gjithë pazllin e opozitës. Mos harroni se Salianji bashkë me Bardhi, Tabakun e ndonjë tjetër, edhe pse ishin në PD e Berishës, prap se prap zinin një vend të veçantë sepse këta kishin ende një iluzion tek drejtësia.
Megjithëse ishin me PD, por ama kemi besim tek drejtësia e re.
Bile shpesh Bardhi kishte korrespondencë publike me Dumanin dhe shkruante se, nuk donte të zhgënjehej dhe donte ti jepte ende kredite kësaj drejtësie.
Ajo që ndodhi me Salianjin është që sot, e gjithë PD është unanime se, kjo drejtësi është e kapur.
Bardhi nuk e thoshte shprehjen, drejtësi e kapur.
Tashmë janë të gjithë në të njëjtin mendim. Kjo lëvizje brenda PD e kalon edhe Berishën. 40 për qind shqiptarëve mendojnë se nuk ka drejtësi. Dhe kjo është e tmerrshme’, tha Burimi.
