Një debat me tone të forta u zhvillua mes kreut të PDK-së, Nard Ndoka, dhe anëtarit të Kryesisë së PD-së, Dorjan Teliti në A2 CNN.
Ndoka i kërkoi Partisë Demokratike të demokratizohet dhe e akuzoi se nuk po frymëzon opozitën, duke pretenduar gjithashtu se votat e PDK-së janë vjedhur nga PS dhe PD.
Nga ana tjetër, Teliti i kërkoi të merret me partinë e tij dhe e sfidoi që çdo pretendim për manipulim zgjedhor ta denoncojë në Prokurori.
Debati u tensionua më tej, teksa Ndoka deklaroi se i kishte kallëzuar “hajdutët” e të dyja partive, ndërsa Teliti këmbënguli se opozita ka nevojë për alternativa dhe zgjidhje, jo vetëm kritika.
DEBATI
Ndoka: Klima e besimit që keni humbur duhet të bëhet më e mirë.
Teliti: Çfarë të bëjmë?
Ndoka: E para demokratizoni partinë.
Teliti: Po e bëjmë. Ti merru me partinë tënde, jo me partinë tonë!
Ndoka: Po flasim për partinë më të madhe opozitare, se partinë time ju e keni ndëshkuar, më keni vjedhur votat, më keni nxjerrë nga sistemi.
Teliti: Nëse t’i kanë vjedhur votat shko denoncoi.
Ndoka: Po i kam denoncuar në Prokurori.
Teliti: Çdo hajdut dërgoje në Prokurori.
Ndoka: I kam dërguar hajdutët e PS dhe PD në Prokurori.
Teliti: Merruni me partinë tuaj, unë s’i hy si e menaxhoni ju partinë tuaj.
Ndoka: PD është opozita më e madhe për fatin e keq, sepse s’po na jep shpresë, s’po na frymëzon.
Teliti: O miku im nuk flitet kështu. Të bësh kritika dinë të gjithë, të japësh alternativë dhe zgjidhje, aty po.
Ndoka: Të bësh furça dhe lëpirje dinë të gjithë, se kritikat janë pak…
Teliti: Na jep zgjidhje.
