Një ditë pasi kreu i Grupit Parlamentar i Partisë Demokratike, Gazment Bardhi Bardhi vendosi që Lulzim Basha të mos jetë më në delegacionin e Këshillit të Evropës, dhe ta zëvendësojë atë me Albana Vokshin, ka reaguar edhe kreu i Demokratët Euroatlantikë.
Gjatë një konference për shtyp, Basha dekalroi se vendimet e Bardhit janë për ‘karrige’, dhe hodhi auza ndaj kreut të Grupit Parlamentar të PD-së se natën ngre dolli për fundin politik të Berishës, pasi sipas tij do që t’i zëjë vendin.
“Këtu ka rënë niveli i debatit politik, debat për karrige. Kjo është arsyeja madhore e divorcit, se ne këtë betejë se nisëm për karrige, por për ndryshim. Këtu s’ka asgjë të re dhe impresionuese, vazhdon sindroma e karrigeve, do përforcohet edhe më shumë. Se ata që i thonë sot PD, janë në dy grupe, PD me të tijët që e përdor si bunker për të mbrojtur veten e vet nga SPAK në Pazar me Ramën dhe grupi tjetër, janë një grup njerëz që për karrige e nisën dhe për karrige e vazhdojnë. Natën vërshon ëiski, ngrenë dolli për fundin politik të Berishës me idenë se do i zënë vendin. Këta janë njerëz që ngritën kartonët për të liruar të korruptuarit e Ramës. Është vazhdimi i mjerimit të tyre”, tha Basha.
Kujtojmë që gjithashtu Lulzim Basha është hequr nga pozicioni si raporter për konfiskimin e aseteve ruse dhe përdorimin e tyre për riparimin e dëmeve të shkaktuara nga agresioni i Rusisë kundër Ukrainës.
Po ashtu, kryetari i grupit parlamentar Gazment Bardhi ka vendosur të ndryshojë vendet e deputetëve të opozitës. Lulzim Basha është spostuar në fund të sallës dhe në vendin kur dikur ulej ish kryetari i PD-së, dhe në vend të tij është caktuar Bledjon Nallbani.
