Armando Broja do i japë lamtumirën Chelseat gjatë merkatos së verës.
Për këtë janë shumë të bindur në Angli, teksa javë pas jave shkruhet për interesimin e vazhdueshëm që ka për lojtarin.
Gjithsesi, asnjë hap konkret nuk është hedhur deri tani dhe Broja vazhdon stërvitjen me londinezët.
Gazetari Iomie Stanley, bën të ditur për “icfootballnews” se Chelsea po mundohet që të shesë futbollistin dhe ky është problemi në vetvete, pasi për momentin, të gjitha ofertat kanë qenë për huazimin e tij.
“Duket se klubet janë të gatshme vetëm të firmosin me Brojën në formë huazimi më shumë se sa një transferim përfundimtar. Kjo është kryesja pse ai është ende në klub.
Është raportuar se Chelsea kërkon 40 milionë paund për sulmuesin, një tjetër arsye pse ai vazhdon të jetë aty, por do të ulin kërkesën e tyre sa më shumë afron fundi i dritares së merkatos. Unë do të çuditesha shumë po ta shihja Brojën ende te Çelsi në fillimin e shtatorit, ai do të largohet para fundit të dritares së merkatos”, tha gazetari londinez.
