Katër ditë pas vendimit të zbardhur të Gjykatës së Apelit, ish-kryedemokrati Lulzim Basha ka depozituar rekursin në Gjykatën e Lartë në lidhje me vendimin për vulën dhe logon e Partisë Demokratike, e cila iu dha shumicës së drejtuar nga Sali Berisha.
Më konkretisht bëhet fjalë për vendimin e 11 Qershorit të Gjykatlës së Apelit, e cila la në fuqi vendimin e marrë më 25 mars të vitit 2022, të ish-gjyqtarit Agron Zhukri, duke rrëzuar ankimimin e bërë nga Enkeljd Alibeaj, si përfaqësues i grupit të Bashës.
Në vendim, Apeli theksohej se grupi i Lulzim Bashës nuk legjitimohet si palë në proces. Gjykata konstaton pavlefshmërinë e ankimit të bërë nga Enkelejd Aliebaj, i cili në dokumentetin e gjykatës firmosur kërkesën si kryetari i Partisë Demokratike.
Apeli konstatonte se Enkelejd Alibeaj kishte marrë detyrën si kryetar me një autorizim të lëshuar nga Lulzim Basha në vitin 2021, ndërkohë që pas dorëheqjes së tij publike ne vitin 2022, ky akt ishte pa asnjë vlerë.
Me anë të një postimi në rrjetet sociale, Basha shprehet se grupimi që ai drejton nuk do të pranojë paligjshmërinë dhe as nuk do lejojë që padrejtësia të triumfojë.
Ai shton më tej se vlerat themelore të demokratëve “nuk mund të tregtohen në pazarin e hallexhinjëve të SPAK”.
Reagimi i plotë i Bashës:
Partia Demokratike – Demokratët Euroatlantikë, depozitoi sot rekursin ndaj vendimit skandaloz të 11 qershorit.
Ne nuk e pranojmë paligjshmërinë, as nuk do lejojmë që padrejtësia të triumfojë.
Vlerat themelore të demokratëve nuk mund të tregtohen në pazarin e hallexhinjëve të SPAK, partia e parë properëndimore e Shqipërisë nuk mund të jetë streha e problemeve personale të një individi në konflikt me perëndimin, votat e demokratëve nuk mund të përdoren për allishverishet mes qeverisë dhe teatëropozitës për t’i dhuruar pushtetin në tavolinë Ramës, duke mbyllur listat dhe duke shkatërruar Reformën Zgjedhore.
Shqipëria meriton më shumë
