Anëtari i kryesisë së PD-së Belind Këlliçi, në fjalën e tij nga protesta e ditës së sotme para Bashkisë Tiranë, tha se PS-së nuk di të fitojë zgjedhjet vetëm të fitojë.
Ndërsa me tëj ai tha se një pjesë shtabi elektoral i kryebashkiakut Erion Veliaj në 14 majit është në burg, një pjesë është në arrati, një pjesë pritet shumë shpejt që të shkojë në qeli.
“Ky individ duhet të vijë këtu para jush të japë llogari pse vodhi votat në 14 maj 2023, se përse kur qytetarët e pyesnin se çfarë do të bëhet me kopshtet, me çerdhet, me shkollat, me parqet, përgjigja e tij ishte: 100, 200 apo 500 euro për votë dhe më pas, pas 14 majit, fliste për nj fitore të jashtëzakonshme në Tiranë. Në fakt, fliste për një vjedhje të paprecedentë.
Ajo që ka ndodhur në 14 maj 2023 ka ndodhur në të gjithë Shqipërinë, sepse Rilindja nuk di të fitojë. Rilindja di vetëm të vjedhë, Edi Rama di vetëm të vjedhë, ministrat dinë vetëm të vjedhin.
Në mbyllje të fjalës sime dua t’ju shtroj një pyetje: Çfarë duhet të ndodhë më me këtë kryetar bashkie që ky të japë dorëheqjen?! Kur shtabi i tij elektoral i 14 majit sot një pjesë është në burg, një pjesë është në arrati, një pjesë pritet shumë shpejt që të shkojë në qeli.
Edi Ramës vetë çfarë tjetër duhet të ndodhë që të japë dorëheqjen e të largohet, kur i gjithë kabineti i viti 2013 me të cilin erdhi në qeveri i ka rënë në burg, kur edhe personi që ishte në krye të Programit të PS, Ilir Beqja, tashmë i ka rënë në burg?! Çfarë duhet të ndodhë më në këtë vend?!”, tha Këlliçi.
Me fjalën e Këlliçit, është mbyllur edhe protesta, e cila zgjati më shumë se një orë dhe ishte pa tensione.
