Kreu i PBDNJ-së, Vangjel Duke është prononcuar për mediat, pasi Komisioneri Shtetëror i Zgjedhjeve shpalli të pavlefshëm mandatin e Fredi Belerit si kryebashkiak i Himarës, pas vendimit të formës së prerë me dy vite burg për krim zgjedhor.
Dule tha se Rama përdori çdo institucion kundër Belerit, madje përdori sipas tij edhe KQZ-në. Kreu i PBDNJ-së përmendi një sërë shkeljesh të të drejtave ndaj Belerit, teksa bëri me dije se do e ankimojnë vendimin e KQZ-së.
Ndër të tjera, Dule tha se këdo qytetar që mund të kandidojnë për Bashkinë e Himarë mund të fitojë edhe ndaj vetë kryeministrit Edi Rama.
Vangjel Dule: Fakti është se nuk kishim ndonjë iluzion për vendimine sotëm përmbyllet një proces politik i nisur me sulmin e Ramës më 6 maj 2023 në Himarë, kundër kandidatit Beleri, me spekulime në lidhje me intervistat e tij me tentativë denigrim personi, intimidim, gjuhë urrejtjeje e përçarjeje dhe përfundoi, sot me ndërprerjen e mandatit nga KQZ. Gjatë kësaj kohe janë të panumërta shkeljet e konventës europiane të kushtetutës së Shqipërisë e Kodit Zgjedhor. Për këto shkelje autori dhe frymëzuesi i rrëmbimit të Bashkisë së Himarës për të vijuar projektin e tjetërsimit të pronës në dëm të pronarëve të ligjshëm dhe në favor të klientelës së tij, kryeministri Rama përdori institucione që nuk duhet të kishin rënë pre e këtyre qëllimeve të Ramës. përdori segmente të Policisë së Shtetit, individë të drjetësisë dhe sot u përdor edhe KQZ.
Fakti i sotëm e bën më të rëndë këtë kalvar shkeljesh, sepse KQZ duhet të jetë garanti i shtetit të së drejtës dhe demokracisë funksionale që është vota e lirë. Më lejoni t’ju përmend shkeljen e disa të drejtave themelore.
Belerit nuk i është dhënë e drejta të zgjedhë si të gjithë të burgosurit e tjerë. Më 14 maj zotit Beleri nuk iu dha e drejta e votës. Detyrimi kushtetues ndaj qytetarit Beleri nuk u përmbush, u pengua me artificie të të gjitha mënyrave dhe llojeve që të mos marrë detyrën, u shkel prezumimi i pafajësisë. U shkel e drejta e komunitetit himariot për të zgjedhur. Sot bashkia e Himarës drejtohet nga një i komanduar pa legjitimitet drejtues. Flasim për situata dhe shkelje që duhet të vëmë alarmin për çdo situatë, për atë që ndodh, në procesin e zgjedhjeve, me votën e lirë dhe shtetin e së drejtës. Vendimin e KQZ-së do ta apelojmë edhe pse e dimë fundin. Qëllimi nuk është më Fredi Bleri dhe Himara, ajo që ndodhi me ta është jetike mos të ndodhë me Tiranën, Korçën, Kukësin, Dropullin me qytete të tjera. Sepse është precedent i rrezikshëm
Ju them me siguri që cilido nga qytetarët e regjistruar si zgjedhës në Bashkinë Himarë që do të zgjedhë PBDNJ dhe koalicioni opozitar për të kandiduar do të jetë fitues ndaj çdo kandidati dhe ndaj vetë zotit Rama. Sepse kemi dy qëllime të qarta grabitjen e pronës dhe mbrojtjen e pronës. Nuk ka socialist, komunist qytetar të ndershëm që të votojë më në Himarë përfaqësuesit e Ramës. Njëri grabiti 11 mijë m2 tokë, tjetri rezulton 14 mijë metër katror. A i kuptoni përmasat, sa janë dimensionet e kësaj grabitje.
.”
