Ashtu siç ishte planifikuar, ka nisur protesta e opozitës para Kuvendit, e cila po mbahet paralelisht me seancën plenare, aty ku deputetët demokratë po përplasen me kryetaren e Kuvendit, Lindita Nikolla për refuzimin e kërkesave të tyre.
Kjo protestë vjen pas investigimive të emisionit “Report” në televizionin italian RAI 3, ku u dëshmuan lidhjet e kryeministrit Edi Rama dhe qeverisë së tij me korrupsionin dhe grupet kriminale.
Ndërkohë, siç shihet edhe nga fotoja, proestuesit kanë ardhur me goma të vjetra me vete, të cilat janë vendosur para Kuvendit. Me shumë mundësi, atyre do t’u vihet zjarri njësoj siç ndodhi të martën në protestën para Bashkisë së Tiranës.
Për mbarëvajtjen e sigurisë janë angazhuar rreth 400 efektivë policie, teksa në terren ndodhet dhe drejtori i Policisë së Tiranës, Tonin Vocaj ndodhet në terren për të monitoruar situatën.
Ndërkohë, përveç maskave kundra gaz, efektivët e Policisë janë pajisur edhe me fikse zjarri, të cilat u përdorën edhe të martën ndaj qytetarëve në protestën para Bashkisë së Tiranës. Mësohet se pas godinës së Kuvendit janë vendosur edhe dy autobote me ujë.
