E furishme ishte kundërpërgjigja e Ramush Haradinaj, për akuzën që iu bë nga kryeministri Kurti se ka pritur Radoiçiçin në zyrë kur ishte kryeministër, duke hapur kështu dhe një debat moral se kush është njollosur më shumë nga kontaktet apo lidhjet me Serbinë.
Haradinaj thotë se Kurti kërkoi partneritet me Radoiçiçin, ndërsa e dinte se kërkohej nga policia e Kosovës, ndërsa i shtron një pyetje të vjetër. “Ende nuk je përgjigjur në një pyetje shumë të vjetër. Pse vite pas lirimit tënd nga burgu, me 17 janar 2004, në Dollc të Klinës, u gjete i mbuluar me batanije, në makinë me agjentë serb Gollub e Boban Donçiç? Po të bien maska Albin!”, shkruan në Facebook Ramush Haradinaj.
Më tej vazhdon duke thënë se Kurti nuk mund të fshihet më pas një patriotizmi që asnjëherë nuk e ka pasur. “Po të vjen fundi Albin!”, përfundon postimin kryetari I Aleancës për Ardhmërinë e Kosovës.
