Kreu i Grupit Parlamentar të PD-së, Gazment Bardhi i është përgjigjur kryeministrit Edi Rama, i cili ka publikuar në rrjet një video me fjalimet e ministrave Elisa Spiropali dhe Ulsi Manja, ndërsa pyet “kush jeni, kush je…”. referuar qëndrimeve që kanë mbajtur deputetë të opozitës në raport me liderin demokrat Sali Berisha.
Në një postim në rrjetet sociale, Bardhi shkruan se nuk janë anëtarë të asnjë grupi kriminal që qeveris Shqipërinë prej 11 vitesh, teksa citon të gjithë personazhet e krimit të lidhur me Qeverinë, madje dhe Olsi Ramën, vëllain e kreut të qeverisë.
Reagimi i Gazment Bardhit:
Meqënëse çdo shqiptar e di tashmë kush është Edi Rama dhe ekipi i tij , ky vetë duhet të dijë kush ne nuk jemi.
Ne nuk jemi Ols Rama, Arben Ndoka, Rrahman Rraja, Armando Prenga, Saimir Tahiri, Arben Ahmetaj, Ilir Beqaj, Elvis Rroshi, Agim Kajmaku, Valdrin Pjetri, etj. Nuk jemi anëtar të asnjë grupi të strukturuar kriminal, që qeverisë Shqipërinë prej 11 vitesh sipas parimit: “të vjedhim Shqipërinë për të vjedhur zgjedhjet, dhe të vjedhim zgjedhjet për të vjedhur Shqipërinë”!
