Deputeti demokrat Flamur Noka, ka deklaruar se mazhoranca pas 3 mandatesh në pushtet do të mbyllë historinë e korrupsionit me një ‘palo rezolutë’.
Gjatë fjalës së tij në Kuvend, Noka gjithashtu tha se Rama do ta gradojnë “si kalorësin e antikorrupsionit të Shqipërisë europiane”.
“Po shqiptarët janë ikur se nuk duan një Shqipëri që qeveris nga hajdutë dhe kriminelë. Prandaj çoni administratën kudo për të servirur se keni emigrantë. Kjo mazhorancë dhe kryeministër krye hajdut kanë bërë shumë gjëra fyese dhe poshtëruese për shqiptarët, por kjo rezolutë është kulminante,
Të vish këtu pas 3 mandatesh që e ke zhyt vendin në krim dhe korrupsion dhe të kërkosh ta mbyllësh këtë histori me një rezolutë, është thellësisht cinike.
Të vijë këtu Edi Rama, përgjegjësi kryesorë i hajdutërisë, krimit dhe të thotë me këtë palo rezolutë që mua duhet të më gradoni si kalorësin e antikorrupsionit të Shqipërisë europiane. Jo jo këtë nuk ia rrok mendja askujt. Nuk e rrok imagjinata këtë. E vështirë të gjesh në absurdin më të madh të letërsisë.
Të vësh në skenë këtë shfaqje të neveritshme dhe të shpallësh këtu si kryqtar i luftës ndaj korrupsionit, fyerje shumë e rëndë që u bëhet shqiptarëve dhe ne këtë si opozitë nuk e pranojmë dot”, tha Noka.
