Policia e Tiranës bën me dije se me vendim gjykate i ka sekustruar pasuritë një trafikanti droge pasi dyshohet se i ka përfituar veprimtaria e tij kriminale.
Në kuadër të operacionit policor të koduar “Start” është vendosur sekuestro preventive ndaj pasurive në emër të shtetasit Gjino (Shkëlqim) Lleshaj, 42 vjeç, dhe të familjarëve të tij. Më konkretisht i janë sekuestruar një automjet, një garazh dhe një njësi tregtare në Selitë, vlera e të cilave, sipas autoriteteve policore, arrin rreth 300 mijë euro.
“Nga veprimet hetimore dyshohet se pasuritë e sekuestruara e kanë burimin nga veprimtaritë kriminale të kryera nga shtetasi Gjino (Shkëlqim) Lleshaj, të cilin autoritetet italiane e kanë dënuar me burgim, për trafikim lëndësh narkotike në sasi të mëdha, kryer në bashkëpunim.” – thuhet në njoftimin e bluve të kryeqytetit.
Materialet i kaluan Prokurorisë.
