Deputeti i Partisë Demokratike Dashnor Sula ka komentuar qëndrimin e ministres Ibrahimaj pasi burri i saj u zbulua se ka plagosur me thikë një tjetër person.
“Sot kjo qeveri dhe ky kryeministër të marrin token, e të thonë ik. Këtu çfarëdo lloj gjeje të ndodhi e kanë zero moralitetin. Kësaj mazhorance nuk i bën më përshtypje… Keto sikur kanë gara me njeri – tjetrin se kush të ketë më shumë skandale. Këtë nuk arrij ta kuptoj sinqerisht. Se njeriu në fund të ditës, do dalësh në rrugë, do takosh dy njerëz, pesë njerëz. Nuk imagjinohesh të mbërrish deri në këto lloj nivelesh dhe mos të skuqesh apo të zverdhësh fare. Kryeministri spanjoll mund të japë dorëheqjen pasi ka nisur një hetim për bashkëshorten e tij për një dhuratë tek kursi i masterit që ajo drejton dhe ai thotë do reflektoj se duhet të jete e rëndë. Ndërkohë që nuk ka prova e ndoshta është sulm politik dhe prapë e mendon dorëheqjen dhe ndoshta do ta japë. Kurse këtu, ça thua ti mor vëlla. Ai tjetri në bashki thotë lekët janë të miat ore”, Dashnor Sula per Syri tv.
Skandali që përfshiu Delina Ibrahimajn, ministre për Sipërmarrjen dhe Klimën e Biznesit, bashkëshortin e saj Andi Ibrahimajn dhe Eri Koshajn shefin e Agjensisë së Trajtimit të Kredive përveçse tregon mendësinë e ‘Rilindjes’ që e trajton shtetin si plaçkë për orekset familjare, është edhe dëshmi se si funksionon mekanizmi i mbylljes së skandaleve brenda organizatës.
Logjika e thjeshtë e do që shteti t’i bëhet mburojë një qytetari të sulmuar me thikë në mes të ditës. Por kur agresori është burri i ministres, rolet përmbysen.
Shteti bëhet armë në duart e agresorit dhe në vend që ligji të mbrojë viktimën, ndodh që goditja me thikë të pasohet nga goditja e institucioneve.
