Ish-kryeministri Sali Berisha ka hedhur akuza sërish mbrëmjen e sotme drejt kryebashkiakut Veliaj, pas skandaleve që kanë përfshirë Bashkinë e drejtuar nga ky i fundit.
Gjatë fjalës së tij në tubimin qytetar, Berisha e ka cilësuar Veliajn si hajdut mafioz, teksa përmend 130 mln euroe zhdukura përmes inceneratorit të Tiranës.
Ai shton se pas ktyre skandaleve Veliaj nuk duhet të jetë më në krye të Bashkisë së Tiranës, prandaj fton qytetarët ti bashkohen protestës së thirrur ditën e martë në orën 16:30.
Pjesë nga fjala e Berishës:
Mirëmbrëma dhe përshëndetjet më të përzemërta për ju qëndrestare dhe qëndrestarë të pamposhtur, misionarët e vërtetë të shpëtimit të Tiranës dhe Shqipërisë.
Ju përshëndes ju me përzemërsinë më të madhe, përshëndes oratorët tuaj.
Përshëndes të gjithë qytetaret dhe qytetarët e vendosur dhe të betuar që ditën e martë në orën 16:30 ti presin përfundimisht biletën kryehajnit të të gjitha kohërave të bashkisë Tiranë.
Njeriut që Tirana nuk ka patur kurrë në 104 vite një hajdut si ai brenda mureve të bashkisë së saj.
Erion Veliaj është turpi i njeriut.
Është turpi i burrit që martohet me para të vjedhura.
Është turpi i njeriut të pamëshirë që zhduk 130 mln euro për djegësin e Tiranës dhe nuk ekziston asnjë gjurmë.
Erion Veliaj është turpi njerëzor, sepse ndofta si asnjë tjetër qytetar vendor në Europë, Afrikë, Azi e në mbarë botën, ka përshtatur modelin e vjedhjes së 100% të parave të taksapaguesve të kryeqytetit.
Erion Veliaj është qeveritari vendor më i shpifur që ka pasur ndonjëherë Tirana, i cili mendon se qytetarët e Tiranës janë drunj, hanë barë dhe u servirte dy vite me radhë pyllin e 1 milionë fidanëve për të mbuluar vjedhjen e 1 milionë fidanëve me fatura false.
Për të mbuluar falsifikimin e blerjes së 1 mln fidanëve që nuk kishte ndodhur kurrë.
Erion Veliaj është një mafioz në të gjithë qenien e tij.
