Gjykata e Tiranës ka liruar nga qelia katër protestuesit e opozitës të cilën morën pjesë në tubimin e ditës së premte ku kërkuan dorëheqjen e kryebashkiakut Erion Veliaj pas aferës “5D”.
Sipas vendimit të Gjykatës, katërt protestuesit e arrestuar janë lënë në “detyrim paraqitje” dhe ndalim pjesëmarrje në tubime.
Kevin Vidrica, Bernard Metaliaj, Franc Kaloshi dhe Artan Muçmata, janë protestuesit që janë liruar nga qelia, të cilët akuzohen për përdorim të lëndëve piroteknike dhe kundërshtim të punonjësve të policisë.
Vlen të theksojmë që policia nisi arrestimet menjëherë pas protestës duke mësyrë në orët e mesnatës deri mëngjesin e të shtunës në banesat e protestuesve për të bërë arrestimin e tyre.
Kujtojmë që protestuesit kanë hedhur bojë të zezë në drejtimin të godijnës që administrohet nga Erion Veliaj kurse “patronazhistët” sipër institucionit kanë fotografuar qytetarët për t’i arrestuar dhe t’i mbyllur gojën.
Shoqëria civile së bashku me opozitë protestuan të premte përballë Bashkisë së Tiranës ku kërkuan dorëheqjen e kryebashkiakut Erion Veliaj pas aferës “5D”, ku disa prej drejtorëve të kësaj Bashkie kishin përfituar miliona euro tendera nga kjo bashki apo institucione vartëse të saj me kompaninë e tyre “5D Konstruksion”, që sipas SPAK, pronarët “de facto” të saj ishin Mariglen Qato dhe Redi Molla.
Lexo edhe:
Protestuesit e arrestuar dalin para gjykatës: Policia na rrahu me rrip pantallonash
