Ish-prokurori Italian i Anti-mafias dhe njëkohësisht ekspert i qeverisë italiane pranë Ministrisë së Drejtësisë në Shqipëri, Francesko Mandoi, tregohet shumë kritik për mënyrën se si është zbatuar reforma në gjyqësor në vendin tonë.
Në një intervistë për emisionin “Report” në Rai Tre, Mandoi konstaton se qeveria ka ndërhyrë politikisht në sistemin e Vetingut të gjyqtarëve dhe prokurorëve.
Në vijim të këtij argumenti, emisioni “Report” ka intervistuar ish-drejtuesin e Prokurorisë për Krime të Rënda në Shqipëri, Besim Hajdarmataj, i larguar nga procesi i Vetingut.
Gazetari: A mendoni se kjo ka qenë një hakmarrje për hetimet që keni bërë?
Besim Hajdarmataj: Jam absolutisht i bindur për këtë.
“Report” kujton se kur Hajdarmataj ishte ne krye të prokurorisë për krimet e rënda ai ka hetuar mbi disa figura qëndrore të qeverisë Rama si ish-ministri i Brendshëm, Saimir Tahiri i akuzuar se ka favorizuar një nga grupet e mafias shqiptare.
“Nga hetimit kishte dalë se Tahiri ishte i përfshirë në trafikun e drogës që shkonte nga Shqipëria drejt Italisë. Kemi mundur të bëjmë hetime të limituara pasi Tahiri kishte lidhje të forta me Policinë”, deklaron Hajdarmataj.
‘Report’ shpjegon se sinjalizimet e para për rastin në fjalë vijnë nga një ish polic i anti drogës në Vlorë, Dritan Zagani që ka paguar shtrenjtë integritetin e tij. Sot ai është i detyruar të jetojë me identitet të rremë në Zvicër ku i është dhënë strehim politik.
‘Kishte një grup të narko trafikut të drogës që pas zgjedhjeve të 2013 u bënë shumë të fuqishëm. Duke hetuar mbi këtë fakt, marr vesh se këta ishin kushërinjtë e ministrit tim, në atë kohë ministri i brendshëm’ shprehet mes të tjerash Zagani në intervistën e gazetarit për ‘Report’.
Emisioni “Report’ shpjegon me detaje lidhjen e Tahirit me Habiljat dhe lidhjet e tyre me mafian italiane. Rrëfen historinë e Zaganit më pas atë të Tahirit, duke përcjelle foto të tij me personazhe të botës së krimit edhe brenda burgut./Boldnews
