Deputetja Jorida Tabaku nga foltorja e Kuvendit ka folur rreth rreth arrestimeve të drejtorëve të Bashkisë së Tiranës për dosjen “5D”, ku sipas saj tregohet se në çfarë gjendje është sot administrata publike.
Tabaku tha se është ulëritëse fakti që paswordët e tenderave u jepen kompanive që aplikojnë dhe se zyrtarët e shtetit sot nuk kanë asnjë përfillje për shtetin, se aplikojnë për kompanitë që duhet të marrin tenderat.
Sipas saj, kur kryebashkiaku Erion Veliaj del live në TV dhe u mëson fermerëve hile se si t’ia futin shtetit, imagjino se çfarë hile u mëson drejtorëve të tij.
“Deputetët duhet ta shfrytëzojnë më shumë Kuvendin për ndryshime ligjore .Unë vetë kam bërë propozim e për koncesionet dhe PPP por sot është koha të flasim për to. Zero denoncime kanë ardhur në drejtim në SPAK nga administrata. Qeveria duket sikur është në një situatë perfekte, por nga ana tjetër noton në korrupsion. Në dosjet e fundit të SPAK kemi parë Drejtorët krijojnë kompani, marrin tendera dhe më pas leje për ndërtim. Marrin dhe statuse speciale. Ky është sistemi që ekziston në nivel qendror, lokal, deri në nivel zv/kryeministrit. Ndërkohë që kjo situatë ndodh në nivel lokal e qendror, merren tendera e u jepen kompanive, duke u përdor buxheti i shtetit si bankomat. Kështu abuzohet me fondet.
Për mua kishte shumë gjëra ulëritëse në atë dosje, ashtu siç kishte në dosjen e inceneratorëve. Por më ulëritëse ishte fakti që flisnin për inteligjencë artificiale, për tendera që do jepen online, kur paswordet e tenderave i jepen kompanive që aplikojnë. Zyrtarët e shtetit sot nuk kanë asnjë përfillje për shtetin, se aplikojnë për kompanitë që duhet të marrin tenderat. A e kuptoni se në çfarë situate ndodhet sot administrata publike, pushteti lokal. Në fund të ditës, del kryetari i Bashkisë dhe i mëson fermerët, u thotë bëni çik me hile kur të aplikoni për fondet e fermerëve që tja fusni shtetit. Imagjino se si i mëson këto drejtorët e vetë të bëjnë me hile. Kur del në TV live dhe u tregon fermerëve hile për të marrë fonde, çfarë hile u mëson drejtyorëve të vet. Ky është shteti që iu i keni vënë fytyrën. Janë miliona eurto tendera, sikur këta deputetët të kishin shprehur çik keqardhje.” thas Tabaku.
