Gjykata e Tiranës ka lënë në burg 4 të rinjtë e akuzuar për vrasjen e 18-vjeçarit Aureljo Dervishi, ngjarje e ndodhur pak ditë më parë në zonën e Shkozës në Tiranë.
Të akuzuarit nuk kanë folur para gjykatës dhe akuzohen për vrasje në bashkëpunim. Ndërkaq, avokatët kanë kërkuar masë me afat 30 ditor deri në sqarimin se kush e ka qëlluar me thikë 18-vjeçarin, goditje që i mori jetën, por kjo kërkesë është rrëzuar nga ana e trupës gjykuese.
Gjithashtu të rinjtë e arrestuar kanë pretenduar se viktima i ka qëlluar me levë.